मुम्बई। । स्मार्टफोन निर्माता कम्पनी कुलप्याडले आफ्नो एक स्मार्टफोन ८ सेकेण्डमा २५ थान बिक्री भएको दावी गरेको छ । कुलप्याड नोट थ्री लाईट मोडलको सो मोबाइल भारतीय बजारलाई टारगेट गरेर अनलाईन बिक्रीका लागि राखिएको थियो । शपिङ अनलाइन अमेजनमा एकै पटक यतिधेरै अफर आयो कि त्यसले सबैलाई चकित बनाईदियो ।

चाइनिज कम्पनी कुलप्याडले भारतीय बजारमा यस्तो सफलता हासिल गरेको हो । भारतमा यसको मूल्य ६ हजार ९ सय ९९ तोकिएको थियो । यद्यपी नेपालमा भने यसको मूल्य १२ हजार ६ सय तोकिएको छ ।

कूलप्याड भारतका सिईओ सथ्यद ताजुद्दिनले कम मूल्यमा धेरै फिचर्स भएकाले यतिधेरै पिस एकैपटक बिक्री भएको दावी गरे । हालसम्म अमेजनमा यो मोबाइलका लागि ७० हजारभन्दा बढी पिसको अफर आइसकेको छ ।

यस मोबाइलप्रति ग्राहकहरु यतिधेरै आकर्षित हुनुको कारण त्यति मूल्यमा पाउनै नसकिने फिचर्स यसमा हुनु हो । ५ इञ्च एचडी स्क्रिन भएको यस स्मार्टफोनमा ३ जिबी र्‍याम, १६ जिबी इन्टरनल मेमोरी, ३३ जिबीसम्म बढाउन सकिने तथा २५०० M aH Li-Ion ब्याट्री छ ।

साथै यसमा टू जी, थ्री जीमात्रै होइन, फोर जी लाईट नेटवर्कसमेत चलाउन सकिन्छ ।
हेर्नुस् भिडियो: