गुटबन्दी हटे काग्रेसको हित हुन्छः आले

भोजपुर । नेपाली कांग्रेसको जिल्ला अधिवेशन संगै केन्द्रमा तेह्रौं महाधिवेशनका लागि जिल्लामा चुनावी चहलपहल तातेको छ । जिल्लास्थित नेताहरु गाउँ दौडाहमा व्यस्त छन् भने कार्यकर्ता अधिवेशन तयारीमा व्यस्त छन । 

अधिवेशन नजिकिएसँगै जिल्लामा पार्टीभित्र गुटउपगुटको सक्रियता पनि बढेको छ । केन्द्रमा जस्तै संस्थापन र देउवानिकट मानिने नेताहरू जिल्लामा पनि आफ्नो अस्तित्व देखाउन नयाँ गुट निर्माण गर्न थालेका छन् । 

तर केही नेता कार्यकर्ता भने गुट भन्दा माथि उठेर पार्टी संगठनलाई मतबुत बनाउनुपर्छ भन्ने मान्यता राख्दै आएका छन । त्यही मान्यता राख्ने मध्येका एक युवा नेता डम्बर आले गुटको राजनीतिलाई अन्त्य गर्दै पार्टीलाई सक्षम नेतृत्व प्रदान गर्नु अभियानमा जुटेका छन । 

२०४६ सालदेखि कलिलो उमेरदेखि विद्यार्थी राजनीतिमा सक्रिय युवा नेता डम्बर आले यसपटकको गाउँ, जिल्ला र केन्द्रमा गुटबन्दी मौलाएको भन्दै त्यसलाई अन्त्य गर्नुपर्ने कुरामा जोड दिएका छन । 

गुटवन्दीको राजनीतिलाई जराबाट उखाल्न सकेमात्रै नेपाली कांग्रेस नेपाली राजनीतिमा एक छत्र छाउने विश्वास राख्छन । गुटबन्दीको राजनीतिलाई अन्त्य गर्दै संगठनलाई मजबुत बनाउने अभियानलाई सफल बनाउन उनले यसपटक महाधिवेशन प्रतिनिधीमा दावी गरेका छन । 

महाधिवेशन प्रतिनिधि भएपछि यसपटकको केन्द्रीय महाधिवेशनमा गुटवन्दी राजनीति अन्त्यको लागि अभियान नै चलाउने सोचमा छन । लामो समय भोजपुर जिल्लामा रहेर पार्टी र पार्टीको जनवर्गीय संगठनहरुको नेतृत्व गरीसकेका युवा नेता डम्बर आले युवा पंक्तिमा निकै लोकप्रिय मानिन्छ । अध्ययनशील, जुझारु र भिजन भएका युवा नेता भित्र उनी पर्छन । कुनै पनि चाँडो सही निर्णय लिनुपर्ने अवस्थामा छिटो र उचित सल्लाह दिने व्यक्ति भित्र पर्छन । 

नेपाली कांग्रेको भातृ संगठन नेपाल विद्यार्थी संघको दुई कार्यकाल अध्यक्ष, भोजपुर बहुमुखी क्याम्पसको स्ववियू सहसचिव, विपि चिन्तन प्रतिष्ठानको केन्द्रीय सदस्य र यसभन्दा अगाडी महाधिवेशन प्रतिनिधि समेत भइसकेका उनी नेपाली कांग्रेसको केन्द्रीय राजनीतिमा समेत राम्रो प्रभाव राख्छन । तत्कालिन द्धन्द्धको समयमा नेपाली कांग्रेसका धेरै नेता कार्यकर्ता जिल्ला छाडेका बेला उनी भने नेपाली कांग्रेसको कार्यकर्ताको संरक्षण र पार्टीको अस्तित्व जोगाउन निरन्तर लागिरहे ।

तत्कालिन विद्रोही पक्षको धम्कीको बाबजुत चुनौतीपूर्ण अवस्थामा पनि जिल्ला नछोडी कार्यकर्ता र पार्टीको संरक्षणमा लागेका थिए । समय र परिस्थिति वदलिरहेकाले पार्टी सञ्चालन र नेतृत्व गर्ने तवर तरिका पनि वदल्नुपर्ने भन्दै पुरानो शैलीलाई परिवर्तन गर्नुपर्ने उनको विचार छ ।

नेपाली कांग्रेसको अहिलेसम्म टेक्ने आधार भनेको पुरानो इतिहास हो, पुरानो इतिहासलाई सम्मान गर्दै समय र परिस्थिति अनुसार चल्नुपर्छ उनी भन्छन–‘पार्टीको संगठनहरुलाई विस्तारको कुराहरुलाई फराकिलो बनाउनुपर्छ, निर्वाचनको बेला मात्रै नभएर अरु बेला पनि गाउँ गएर संगठनलाई मजवुत बनाउनुपर्छ’ पार्टीको बलियो आधार भनेको कार्यकर्ता हो कार्यकर्ता संरक्षण र सम्द्र्धनमा लागि परे मात्रै पार्टी बलियो र अझ मजवुत बन्ने उनको धारणा छ । 

यसपालीको अधिवेशनमा आफू व्यक्तिगत आकांक्षा भन्दा पनि पाटीभित्र मौलाउँदै गरेको व्यक्तिवाद र गुटगत चिन्तनको अन्त्यका लागि अघि बढेको बताएका छन । 

कांग्रेस कार्यकर्ता गुटको दलनमा परेको कारण गुट अन्त्यका लागि मध्यमार्गी पात्रहरुको पनि आवश्यकता रहेको उनले बताएका छन ।

१३ औँ अधिवेशनपछि संघीय संरचनाको पार्टीलाई गुटमुक्त गर्नुपर्ने आमयुवा विद्यार्थी र सर्वसाधारण कांग्रेसजनमा एकताको सन्देश जानुपर्ने भन्दै आले यो महाधिवेशनलाई भावनात्मक एकताको महाधिवेशन बनाउन मध्यमार्गी चिन्तनलाई सफल बनाउनुपर्ने आवश्यकता देख्छन । 

यिनै परिप्रेक्ष्यमा कांग्रेसको आगामी नेतृत्व चयनमा उसभित्रको गुटगत तुषको अन्त्य हुनुपर्ने उनको धारणा छ ।

Labels: Politics